- Amasan DASG
- Mu Chorpas na Gàidhlig
- Mu Fhaclan bhon t-Sluagh
- Mar a bheirear iomradh
- Eachdraidh
- Faclair Eachdraidheil na Gàidhlig (FEG)
- Sgioba DASG
- Bòrd Comhairleachaidh
- Foillseachaidhean
- Taing
- Dòighean gus cuideachadh
- Dlighe-sgrìobhaidh
- Riaghailtean Cleachdaidh
- Cuir Fios Thugainn
- Cainnt anns na Ceathramhan
- Am Briathradan
- LEACAN
- DASG Launch
- Gairm Air-loidhne
Bruimiseach
Air a sgrìobhadh le Shona air Diardaoin 14 an t-Iuchar 2016
’S e ‘bruimiseach’ facal na seachdain-sa, facal Leòdhasach.
Tha ‘bruimiseach’ air a chleachdadh coltach ris an fhacal bùrach, mar eisimpleir, “Rinn e bruimiseach dheth” a’ ciallachadh gun do rinn e bùrach dhen chùis.
Tha an uidhir faclan againn sa Ghàidhlig leis an aon chiall seo, agus chaidh faclan eile a chruinneachadh bhon aon neach seo ann an Eilean Leòdhais: “rinn thu bod-a-sgeing dheth” agus “rinn e gige dheth”. Bha ‘bruimiseach’ agus na faclan seo air an cruinneachadh bho chuideigin ann an Suaineabost, Nis, ann an Eilean Leòdhais, ann an 1972.
Bha facal eile air a chruinneachadh ann am Barabhais, ann an Eilean Leòdhais, ann an 1971: “bha an t-àite na rall”, a’ ciallachadh an aon rud ri ‘bruimiseach.’
An cuala sibh riamh ‘bruimiseach’ no na faclan eile mar sin? No a bheil abairt no faclan eile agaibh a’ ciallachadh an aon rud? Cuiribh fios thugainn air Facebook no Twitter.
Chaidh ur beachd a chur a-staigh gus sgrùdadh a dhèanamh air
Chan eil beachdan rim faotainn airson a’ phuist seo