Gàidhlig / English
Ìoc

Ìoc

Air a sgrìobhadh le Ola air 22 am Faoilleach 2015

An dèidh grunn fhaclan ceangailte ri biadh blasta agus làithean-fèille, ’s dòcha gum bu chòir dhuinn sùil a thoirt air an fhacal seo: ìoc ‘a triangular piece of cloth inserted, e.g. into the sides of a skirt to make it wider.’

Tha dà eisimpleir eile air an làrach-lìn againn: a’ cur ìoc ann an aodach agus Bha a’ bhriogais ro bheag dha agus chuir e ìoc as chùlaibh aice.

Chaidh am facal seo a chlàradh ann an Leòdhas ann an 1972 le Aonghas Iain Mac a’ Ghobhainn a bha ag obair air Faclair Eachdraidheil na Gàidhlig aig an àm.

Agus tha seo a’ toirt cothrom dhuinn innse dhuibh gu bheil na 34 liostaichean-fhacal a chruinnich A. I. Mac a’ Ghobhainn ri fhaighinn air an làrach-lìn DASG mar phàirt dhen Faclan bhon t-Sluagh. Tha sinn an dòchas gun còrd iad ruibh agus gum bidh iad feumail dhuibh cuideachd.

Tha sin a’ ciallachadh gu bheil mu 65% de stuthan Faclan bhon t-Sluagh ri fhaighinn air-loidhne, a’ gabhail a-steach mu 25,000 ceann-fhacal.

Cuimhnichibh gum faod sibh fios a chur thugainn air Facebook agus Twitter.

Chaidh ur beachd a chur a-staigh gus sgrùdadh a dhèanamh air
Chan eil beachdan rim faotainn airson a’ phuist seo