- Amasan DASG
- Mu Chorpas na Gàidhlig
- Mu Fhaclan bhon t-Sluagh
- Mar a bheirear iomradh
- Eachdraidh
- Faclair Eachdraidheil na Gàidhlig (FEG)
- Sgioba DASG
- Bòrd Comhairleachaidh
- Foillseachaidhean
- Taing
- Dòighean gus cuideachadh
- Dlighe-sgrìobhaidh
- Riaghailtean Cleachdaidh
- Cuir Fios Thugainn
- Cainnt anns na Ceathramhan
- Am Briathradan
- LEACAN
- DASG Launch
- Gairm Air-loidhne
Boillsgeil
Air a sgrìobhadh le Shelagh air Diardaoin 4 an Lùnastal 2016
Fiù ’s an teis-meadhan an t-Samhraidh, bidh leughadairean ann an Alba gu math eòlach air cuspair na seachdain-sa: frasan.
Chaidh am buadhair boillsgeil a chleachdadh le neach-labhairt às an Allt Beithe, Siorrachd Rois, airson iomradh a thoirt air latha frasach, nuair a bhiodh greisean grèine eadar frasan sgapte. Tha an gnìomhair boillsg bunaichte anns a’ ghnìomhair Laidinn fulgeo, ‘deàlrachadh’.
’S e sian-grèinidh a chanadh neach-labhairt eile à Arnol, Leòdhas, ri fras bhlàth a thuiteadh fhad ’s a tha a’ ghrian a’ deàrrsadh aig a’ cheart àm, agus chaidh an co-fhacal braon a chlàradh ann am Port Sgioba, Ìle, a’ ciallachadh gu sònraichte fras bhlàth san t-samhradh. Tha am facal braon bunaichte anns an fhacal Seann Ghàidhlig bráen, ‘fras’.
Bha am facal sgàth-fhras aig iomadh neach-labhairt, a’ ciallachadh fras nach maireadh fada.
Ma tha sibhse eòlach air faclan eile ceangailte ri frasan an t-samhraidh, nach leig sibh fios thugainn gu h-ìosal, neo air na duilleagan Facebook no Twitter againn.
Chaidh ur beachd a chur a-staigh gus sgrùdadh a dhèanamh air
Chan eil beachdan rim faotainn airson a’ phuist seo