Gàidhlig / English
Spiandagan Sneachd

Spiandagan Sneachd

Air a sgrìobhadh le Alana air 4mh den Dùbhlachd 2014

Is ann às Na Hearadh a tha facal na seachdain seo a’ tighinn. Abair facal freagarrach airson an t-sìde a th’againn an-dràsta.  Tha spiandagan sneachd (i.e. spìontagan sneachd) air a chleachdadh airson dealbh a dhèanamh air nuair nach eil ach beagan sneachd anns an adhar.

Faodar a ràdh gur e sneachda mìn a bh’ air a chiallachadh anns an abairt / fhacal seo. Ann an Uibhist a Deas chanadh iad nach robh ann ach stradagan de sneachda agus bhiodh seo gu math coltach ri abairt Na Hearadh. Nuair a tha an sneachd aodrom air laighe chluinneadh tu gun robh streafann sneachda air an talamh, is ann à Uibhist a Tuath a thàinig an abairt seo.

Air an làimh eile chluinneadh tu cithean sneachda airson innse mu mheall throm do sneachda. Tha sinn an dòchas gum bi na h-abairtean seo cuideachail dhuibh is àm na Nollaig a' tighinn mun cuairt.

Airson am barrachd fiosrachadh mun abairt spiandagan sneachd agus faclan eile a tha a’ buntainn ri sneachda, tha Roibeard Ó Maolalaigh a’ deanamh iomradh orra anns an leabhar Cànan & Cultar/Language & Culture, Rannsachadh na Gàidhlig 4.

A bheil sibhse eòlach air spiandagan sneachd? Nach inns sibh dhuinn air Facebook no Twitter?

Chaidh ur beachd a chur a-staigh gus sgrùdadh a dhèanamh air
Chan eil beachdan rim faotainn airson a’ phuist seo