- Amasan DASG
- Mu Chorpas na Gàidhlig
- Mu Fhaclan bhon t-Sluagh
- Mar a bheirear iomradh
- Eachdraidh
- Faclair Eachdraidheil na Gàidhlig (FEG)
- Sgioba DASG
- Bòrd Comhairleachaidh
- Foillseachaidhean
- Taing
- Dòighean gus cuideachadh
- Dlighe-sgrìobhaidh
- Riaghailtean Cleachdaidh
- Cuir Fios Thugainn
- Cainnt anns na Ceathramhan
- Am Briathradan
- LEACAN
- DASG Launch
- Gairm Air-loidhne
Caora-bhleac an t-slèibhe
Air a sgrìobhadh le Abi air 3 Am Màrt 2016
’S e ‘Caora-bhleac an t-slèibhe’ an abairt a th’againn an t-seachdain seo agus chaidh e a chruinneachadh ann an Sgìre Ùige, Eilean Leòdhais, ann an 1966. Tha e a’ ciallachadh mogairle. Chaidh na mogairlean a tharraing bhon talamh leis a’ chloinn a bha cluich air an t-sliabh agus shaoileadh leotha gur coltach ri ùthan a bha na freumhaichean a bha seo. Sheinneadh iad:Caora-bhleac an t-slèibhe
ag èibheach le h-uan ’s le h-odaisg.
Tha faclan diofraite airson mogairlean ann am Faclan bhon t-Sluagh air an làrach-lìn DASG. Chaidh ‘Urach-bhalich’ a chruinneachadh ann an Sgalpaigh na Hearadh, ‘Sobhraidh Balach Breac’ ann am Muile agus ‘Mòineachan’ ann an Ròghadal, Na Hearadh, cuideachd.
’S e lus air leth sònraichte a th’ ann am mogairle. Tha iad air a bhith ga chleachdadh airson leigheas a dhèanamh ann an Sìona fad bhliadhnaichean agus an-diugh tha faoineag a thoirt bhon na rosan a tha seo. Chaidh eadar 200 agus 300 gnèithean ùr ga lorg gach bliadhna air feadh an t-saoghail. Leughaidh sibh tuilleadh an seo.
Ma tha facal eile agaibh airson 'Caora-bhleac an t-slèibhe', carson nach leigibh fios thugainn air Facebook no Twitter?
Chaidh ur beachd a chur a-staigh gus sgrùdadh a dhèanamh air
Admin
Taing Raibeart, tha sin air leth inntinneach - gu dearbh, tha an aon chiall aig an fhacal Ghreugais 'orchis'!
2016-03-15 10:10:28Raibeart MacLabhruinn
Tha am facal 'mogairle' gu math coltach ri 'magairle' agus gu dearbh s'e 'magairle na monadh' aon de na h-ainmean airson 'orchid' ann am faclair LearnGaelic.net'. A-reir choltais, bha cuid de ghaideal den bheachd gu bheil coltas ri buill-bodhaig eile air na lusan seo!
2016-03-11 22:12:17