Gàidhlig / English
Ainmean nam Meur

Ainmean nam Meur

Air a sgrìobhadh le Calum air 25mh An t-Iuchar, 2024
Saoil, dè na stoban air ceann do làimhean? Dè an t-ainm a th’ orra? Chan e, dè na fìor ainmean a th’ orra? Tha sinn a’ tilleadh dhan chuspair inntinneach, a’ leantainn air adhart bhon bhrath-bhloga mìorbhaileach, seo a chaidh a dhèanamh bliadhnaichean air ais: “Na Meuran”. Mholainn oirbh ga leughadh oir tha e air leth goireasach is cuideachail airson tuilleadh mun chuspair ionnsachadh.

Bha gu leòr ann ri leughadh anns a’ bhrath-bhloga ach bha mi airson cur ris leis gu bheil seanchas anabharrach mòr a thaobh ainmean meuran. Tha ainm ùr againn ann an cha mhòr gach àite ann an Alba agus thall thairis, mar sin, bha mi airson liosta a dhèanamh dhiubh agus an cur anns an aon àite. Seo agaibh na fhuair mise. Nach leig sibh fios ma tha ainm, no liosta ainmean, a dhìth.

Liostaichean Ceangailte ri Àitean:

Alltan Dubh, Achadh an Uillt Bhuidhe:
  1. Òrdag
  2. a’ sgròbag
  3. Màiri fhada
  4. Mac an Aba
  5. frìdeag
Bun Loch Abar:
  1. òrdag
  2. meurag
  3. gille fada
  4. mac an aba
  5. gircean/girgean.
Leòdhas an Iar:
  1. Òrdag
  2. corrag
  3. meur fada
  4. nic-an-t-sraididh [fireworks!]
  5. lughdag bheag an airgid [silver rings before marriage]
Gleann Urchadain agus Àird MhicShimidh:
  1. òrdag
  2. mac an ab’
  3. ceanna fad’
  4. lùdag
  5. a’ bhìdeag
 
Tionndaidhean Eile à Àird MhicShimidh
  1. òrdag
  2. a’ bhòrdag
  3. gille fada
  4. mac an aca
  5. a’ bhìdeag
 
Port Sgioba, Ìle:
  1. òrdag
  2. colbhag
  3. Fionnladh fada
  4. Mac an Aba
  5. An fhuideag[?]
A’ Mhachair Rois (mar a lorgas ann an “Saoghal Bana-Mharaiche”, le Seòsamh Watson
  1. òrdag
  2. an t-seunabhag
  3. an t-seaman fada
  4. Madadh fada
  5. crìonag/bhìdeag
Taigh a’ Bhealaich, Earra-Ghàidheil:
  1. Òrdag
  2. corragag
  3. mealla-fada
  4. mac an aba
  5. lùdag
Dùthaich Mhic Aoidh (mar a lorgas ann an “Gàidhlig Dhùthaich Mhic Aoidh”, le Seumas Grannd):
Àird Mòr, Inshegra, Blàr Mòr (Eadar dhà Chaolais):
  1. An òrdag
  2. An Sgeilbeag
  3. A’ mheur fhad’
  4. Mac an ab’
  5. Meur bheag an airgid
Sgianaid (Mhealanais):
  1. An òrdag
  2. Fear a’ ghunna
  3. Am fear fad’
  4. A h-uile dad
  5. Meur bheag an airgid
Srath Taladail
  1. An òrdag
  2. Fear a’ ghunna
  3. Am fear fad’
  4. Mac an ab’
  5. Gille beag an t-siùcair
 
Ros an Iar (mar a lorgas ann an “Faclan is Abairtean à Ros an Iar”, le Roy Wentworth)
Tionndadh 1:
  1. An òrdagaidh
  2. Calgagaidh
  3. Màiri fhada/Màiri fada
  4. Mac an aba
  5. Fìsteagaidh
 
Tionndadh 2:
  1. An òrdag
  2. A’ chorrag
  3. Meiri meadhan
  4. Meiri lùdan
  5. A’ lùdan
 
Ainmean Measgaichte air Faclair Eideard Dwelly:
THUMB POINTER MIDDLE RING PINKIE Sin againn e, mu dheireadh thall! Tha mi an dòchas gu bheil sibh air nas motha ionnsachadh mu ainmean mheòirean anns a’ Ghàidhlig. A bheil ainmean eile agaibh? Nach leig sibh fios dhuinn air facebook, twitter agus ar làrach-lìn fhèin!
Chaidh ur beachd a chur a-staigh gus sgrùdadh a dhèanamh air
Chan eil beachdan rim faotainn airson a’ phuist seo