- Amasan DASG
- Mu Chorpas na Gàidhlig
- Mu Fhaclan bhon t-Sluagh
- Mar a bheirear iomradh
- Eachdraidh
- Faclair Eachdraidheil na Gàidhlig (FEG)
- Sgioba DASG
- Bòrd Comhairleachaidh
- Foillseachaidhean
- Taing
- Dòighean gus cuideachadh
- Dlighe-sgrìobhaidh
- Riaghailtean Cleachdaidh
- Cuir Fios Thugainn
- Cainnt anns na Ceathramhan
- Am Briathradan
- LEACAN
- DASG Launch
- Gairm Air-loidhne
Bonnach Brìde
Ged a tha coltas ann gu bheil an t-Earrach fada gun tighinn, tha ‘Imbolc’ no ‘Imbolg’ a’ chiad latha dhen Ghearran agus tha e a’ comharrachadh toiseach an Earraich. Is e fèis phàganach a bha anns an ‘Imbolc’ bho thùs ach tha e a-nise ga aithnichte mar fhèis Chrìosdail an cois Naomh Brìde. Is e Bonnach Brìde an abairt a th’ againn air an t-seachdain-sa, agus is e cèic a tha innte, a tha ga dhèanamh air a’ chiad latha dhen Earraich. Tha Bonnach Brìde ann an Corpus na Gàidhlig aig DASG a’ tighinn bho Carmina Gadelica air a dheasachadh le Alasdair MacGilleMhìcheil.
Feumaidh tu a bhith faiceallach nuair a bhios tu a’ fuineadh bonnachan ge-tà, a chionn ’s gur dòcha gun tigeadh na sìthichean a-steach dhan taigh agad mura cuireas tu toll anns a’ bhonnach mu dheireadh, no mura bristeas tu pios dheth, no mura cuireas tu èibheall air mullach na cèice. Mura dèan thu na rudan sin, bhiodh na sìthichean a’ seinn a leanas:
Bonnach beag boise
Gun bhloig gun bheàrn
Éirich ’s leig sinn a-staigh.”
...agus bhiodh iad a-staigh!
(Ronald Black (deas), The Gaelic Otherworld, 2005, td. 10)
Tha sinn cinnteach gum biodh reasabaidhean agus sgeulachdan gu leòr aig a h-uile duine airson Bonnachan Brìde, agus bhiomaid uamhasach toilichte gan cluinntinn! Carson nach leig sibh fios thugainn air Facebook no Twitter?
Chan eil beachdan rim faotainn airson a’ phuist seo