- Amasan DASG
- Mu Chorpas na Gàidhlig
- Mu Fhaclan bhon t-Sluagh
- Mar a bheirear iomradh
- Eachdraidh
- Faclair Eachdraidheil na Gàidhlig (FEG)
- Sgioba DASG
- Bòrd Comhairleachaidh
- Foillseachaidhean
- Taing
- Dòighean gus cuideachadh
- Dlighe-sgrìobhaidh
- Riaghailtean Cleachdaidh
- Cuir Fios Thugainn
- Cainnt anns na Ceathramhan
- Am Briathradan
- LEACAN
- DASG Launch
- Gairm Air-loidhne
Gille-mirean
Air a sgrìobhadh le Kate air Diardaoin 29mh den t-Sultain
Tha am facal ‘gille-mirean’ cumanta ann an dual-chainntean ann an Siorramachd Rois, Àrainn agus an Eilean Sgitheanach.’S e ‘spinning-top’ as ciall dha ‘gille-mirean’ anns na h-àiteachan ud, agus ’s e cire-mirean a th’ ann an Cille Mhoire, cuidheachd anns an Eilean Sgitheanach. Dh’àithneachadh muinntir sgire Àrnol, ann an Eilean Leòdhais a’ ghille-mirean mar dhuine sprogail, roiligeach, iullagach.Ma sheallas sibh, ge-tà, air ciall an abairt ann an Siorramachd Rois. Theireadh na daoine sin: “tha thu na do ghille-mirean aige.” Tha sin a’ ciallachadh gu bheil sibh air brath a ghabhail air an duine/ tè sin agus nì iad gach rud a dh’iarras sibh orra dhèanamh.
’S e clout sgùraidh a theirte ris anns na Hearadh. ’S e pliobair a theirte ris ann am Breacais, anns an Eilean Sgitheanach; agus ’s e gille-plibire a th’ aig na daoine air ann an Uibhist a Tuath.’ S e lungaidh a th’ aca air ‘dogsbody’ ann an Uibhist a Deas. Mura faigh sibh an dearbh rud a bha sibh ag iarraidh bhon duine sin, theireadh sibh, “cha socair sam bith sin dhomh!”
Tha e coltach, ma-tha, gun gabhadh òrduighean a thoirt air, co-dhiù, duine air choreigin ann an gach sgìre ann an Alba! Cuimhnichibh ur beachdan a thoirt dhuinn gu h-ìseal, neo air a’ dhuilleig Facebook air neo Twitter.
Chaidh ur beachd a chur a-staigh gus sgrùdadh a dhèanamh air
Chan eil beachdan rim faotainn airson a’ phuist seo