- Amasan DASG
- Mu Chorpas na Gàidhlig
- Mu Fhaclan bhon t-Sluagh
- Mar a bheirear iomradh
- Eachdraidh
- Faclair Eachdraidheil na Gàidhlig (FEG)
- Sgioba DASG
- Bòrd Comhairleachaidh
- Foillseachaidhean
- Taing
- Dòighean gus cuideachadh
- Dlighe-sgrìobhaidh
- Riaghailtean Cleachdaidh
- Cuir Fios Thugainn
- Cainnt anns na Ceathramhan
- Am Briathradan
- LEACAN
- DASG Launch
- Gairm Air-loidhne
Corracha-cagailt
Air a sgrìobhadh le Edit air Diardaoin 8 An t-Sultain 2016
A-nis nuair a tha na h-oidhcheannan a’ fàs nas fhuaire agus nas duirche, bidh e freagarrach le facal ceangailte ri teine!
’S ann à Leòdhas a tha facal na seachdaine, corracha-cagailt no corra-chagailt (agus tha e cuideachd a’ nochdadh ann an iomadh cruth eile), a’ tighinn bho thùs. A rèir Faclair Macbain, tha am facal air a dhèanamh suas le còrr, ‘puing’ agus cagailt, ‘teine’ agus tha e a’ toirt iomradh air lasan sònraichte a nochdas nuair a tha teine gu bhith a’ dol às. Nuair a bhithear a’ brodadh le brod-teine tron mheasgachadh eadar uinnseann agus èibhleagan a bhios ann aig an àm sin, bidh lasan beaga ann an dathan na bogha-froise a’ nochdadh. Bhiodh seo na bu bhitheanta air oidhche fhuar.
Bhathar a’ creidsinn gum b’ e droch spioradan a bha anns na lasan seo – a rèir an Fhaclair Bhig, bhithear ag ràdh tha tìde agad a dhol dhan leabaidh mus beir na corrachagan-cagailt ort ris a’ chloinn airson toirt orra dol a laighe.
A rèir an fhaclair cheudna, tha ciall gu math diofraichte aig corra-chagailt cuideachd: uaireannan, bhiodh am facal air a chleachdadh mar iomradh air duine leisg nach biodh riamh a’ gluasad air falbh bho thaobh an teine!
An-diugh, tha am facal seo cuideachd air a chleachdadh airson ‘salamander.’
A bheil sibh eòlach air an fhacal inntinneach seo? Nach cuir sibh fios thugainn gu h-ìosal no air ar duilleagan Facebook no Twitter!
Chaidh ur beachd a chur a-staigh gus sgrùdadh a dhèanamh air
Chan eil beachdan rim faotainn airson a’ phuist seo