Gàidhlig / English
Cat-grìosaich

Cat-grìosaich

Air a sgrìobhadh le Shona air 12 an t-Samhain 2014

An t-seachdain seo, is e ‘cat-grìosaich’ facal na seachdain – gu math freagarrach airson làithean fuara a’ gheamhraidh!

Cleachdar am facal seo airson cat, no duine, a tha glè dhèidheil air a bhith ga gharadh (bhlàthachadh) fhèin ris an teine. Gu litireil tha ‘cat-grìosaich’ a’ ciallachadh ‘fireside cat’.

Tha ‘cat-grìosaich’ a’ nochdadh anns an leabhar aig Alexander MacNeacail, Collection of Gaelic Proverbs and Familiar Phrases (1881) mar seo:

“Tha teas an teine ’n a luirgnean.
The heat of the fire is in his legs.
Said of a ‘cat griosaich,’ one too fond of the fireside.”

Gheibhear lorg air ‘cat-grìosaich’ cuideachd anns an leabhar Gaelic Names of Beasts le Alexander Forbes (1905) mar seo:

“...some are so lazy and fond of the fireside as never to leave it or hunt, such cats in the North or Highlands are called “Cat-griosaich” or fireside cat, its equivalent in the South is called " Axen-cat." The first term is often applied to lazy men who are too fond of the fireside.”

Chaidh am facal seo a chruinneachadh ann an Steòrnabhagh, Eilean Leòdhais, bho chuideigin à Loch Iubh, Geàrrloch.

A bheil thu eòlach air cleachdaidhean eile airson an fhacail cat-grìosaich? Ma tha, nach leig thu fios thugainn air @DASG_Glaschu / facebook.com/DasgGlaschu.

Chaidh ur beachd a chur a-staigh gus sgrùdadh a dhèanamh air
Chan eil beachdan rim faotainn airson a’ phuist seo