Òran mun Chraoibh Ghiubhais

GF340i09 ÒRAN MUN CHRAOIBH GHIUBHAIS (CUINGICHTE)

Beulaiche: Maud ni'n Fhraing mac Alasdair 'ic Dhòmhnuill Thàilleir | Maude MacKenzie
Bàrd: Duncan MacLennan

A' chraobh ghiuthais a rinn mo shàrachadh
'S b' fheàrr nach do dh'fhàs i riamh
An t-airgead a thug mo nàbaidh dhomh
Thug Sàtan e an dìon.

'S a ta niste còmhla ris
'Toirt dòrainn dha is pian
Ga leaghadh 's a' deanadh spórs air
'S ga dhòirteadh sìos na bheul.

Innsidh mise dealbh dhut
Cho fìor 's as urrainn cainnt
Tha dà shùil chroma liath aice
Air tolladh sìos na ceann.

'S na faigheadh i de mhiannaicheadh i
'S a' cur daoine leis an tonn
Gu sluigeadh iad an saoghal
'S a h-uile nì a ta ann.