Ó hì og ì ó

GF289i06_290i01 Ó HÌ OG Ì Ó

Beulaiche: Seògan Màiri Dhanaidh | John Shaw

[Séisd:] Ó hì og ì ó
A Mhòrag 's na ho ro gheallaidh
Ó hì og ì ó

A Mhòrag bheag a chùil dualaich
'S tric do luaidh a' tighinn air m' aire

A Mhòrag bheag, nighean Dhòmhnaill Mhàrtainn
Dh'òlainn do deoch-slàint' an glainne

'S truagh nach robh mis' is mo Mhàiri
'Muigh air àirigh a' chrodh-bhainne

Bidh sinn mun tigeadh an Geamhradh
A's a' ghleann 'sa bheil am bainne

Mar ri comann gillean gòrach
Aig tha 'n deòin a dh'òl an drama

Mar ri comann gillean suairce
Dheanadh suas ri trian cadal

'S truagh nach robh mi 'n riochd na steàrnag
Sheòladh àrd air bhàrr na mara

'S truagh nach robh mise fo 'n fhòid
An ciste nam bòrdannan tana

Mur robh mi coimhead nan coinnlean
A gabhail a-raoir air do bhanais

Mis' a-muigh air long a' seòladh
Mi gun dòigh air thighinn gu baile

Dìreadh a's na crannan àrda
'S fhad' à ghràidh a léir m' anail

Nam faighinn na leacan bàna
Cha chluinn mo mhàthair mo ghearan

[BREAK IN TAPE]
'S truagh nach robh mise fo 'n fhòid
An ciste nam bòrdannan tana

An ciste nam bòrdannan dùinte
Òrd an saoir an déidh am barradh

A Mhòrag bheag a chùil rìomhaich
Dhèanainn-sa do chìr a cheannach

Mise 's bean a' mhuineal àlainn
Dh'òlainn do dheoch slàint' an glainne

Mise 's bean a' mhuineal tighead
Gruaidh mar fhìon' ga cuir an glainne

'Nuair a théid thu 'mach a dh'fhiadhach
Bu trom do thriall chon a' bhaile

Leagaidh tu le do chuilbhear
Le gunna, le d' chù 'na dheannaibh

Leagaidh tu 'n damh donn a' bhùirean
A-null air 'n d' rùchdadh air anail

Leag e duineal air a' cliathaich
Air a cliathaich iste greannaich

[BREAK IN TAPE]

O gìomanach gun na bheil airgead
Leagadh tu 'n damh dearg 's a' langan

Gìomanach gun na bheil òig
Leagaidh tu nì àrd ‘s na crannan