Òran air Seònag nan Cearc

GF253i01 ÒRAN AIR SEÒNAG NAN CEARC

Beulaiche: Màiri Ceit Mhór | Mary Anne MacMillan
Bàrd: "Murchadh nan Òran" Moireasdan | Murdoch Morrison

Muladach mise 's mi seo gun duin' idir
A thogas na sheinneas na ghabhas mo phort
'S dùraich mo chridhe deoch slàinte nan gillean
Dh'fhalbh air an steamer gu ruig' an Transvaal

'S gun d'thàinig sinn dìreach gu àite MhicÌosaig [Johnny Mick]
Na gillean cho grinn gur e 'n nìghneag a b' fheàrr
Chaidh a' lòid chuir an òrdan is biadh ás a' stòr
A phoit tì air a' stòbh agus ceò aiste blàth

'S a chailleach dhubh ghiobach, cha phàigh mi thu 'rithist
Gun d' phàigh mi thu cheana mus iarr mi nam sgeul
Ma chluinneas mi guth ás do bheul fhad' 's is beò thu
'S e Alasdair Mór chuireas speall air a' chàr

Sìos cnoc a' Bharrain a chuala mi 'chailleach
I 'g éigheach 's a sgolan nach fhan thu rium tràth
A Mhurchaidh dhubh mhosach bheir dhomhsa mo dholar
Airneo bidh mo mhollachd gad ghuidh-sa gu bràth

Bhiodh 'ad ag òl tì an àite Seònag nan Cearc, is mas fhìor nach do phàigh 'ad Seònaid idir. Agus—

[Joe Neil MacNeil]:Thuirt e an uair sin mu dheidhinn, an deaghaidh ghabh e—a phoit tì air a' stòbh agus ceò aiste blàth.