Cumha Dh'a Mhnaoi

GF205i01CUMHA DH'A MHNAOI

Beulaiche: Eòs mac Iain ghobha 'ic Iain 'ic Lachlainn | Joe Lawrence MacDonald
Bàrd: Seòras MacCoinnich | Fear Ghrinneard | George MacKenzie

[Séist]: 'S tha mo chridhe 'fàs trom,
'S taobh mo leabaidh 'fàs lom
'S cha togair leam fonn air chòir

Fhuair mi bhuam leis an eug
'S air m' fhìrinn cha bhreug
Mi cho fìnealt ri leigan òir

Thréig am b'ailleantan 'uat
Neoil an dreach ort mun cuairt
Deud mar chailc agus gruaidh mar ròs

Do ciabh cas-lubach donn
Shlios mar eala air an tonn
'Do bheul meathair o 'm b'fhonnmhor glòir.

Do shùil mar dhearcaig nan allt
'S do ghuth mar smeòrach air chrann
A' seinn luinneag an gleann ri ceòl

'S ann 's a' choill' nach robh cruinn
Fhuair mi slat nach robh grinn
'S i àlainn, ùr, fìnealt, òg

Tha do m' òg ghaol a tha
Air na ghlac thu mo làmh
'S mór an tainead ad stath is 'ad sròl

Cha robh crine 'nad bheus
Le bu shuarach an treud
Fhuair thu measalach feum le còir

B'e h-atharrainn le mo bheachd
O'n a bhuannaich thu math
'S iad nach fhàgadh a chreach gun tòir

Bhiodh gach capall 's gach ball
Chaidh mo mhisneachd air chall
Tha mo sgìob' air 'fàs mall gun treòir

Dh'fhàg thu mise bochd, truagh,
Mar luing reòit' air a' chuan
An déidh na siùil a thoirt bhuap 'sa seòl.

Chì thu chuirinn 's gu tìr
'On mhuc-mhara le sìth
Cuir gu cala mi-fhìn 's mo lòd

Ged tha mise dheth bochd
Dh'fhàg e 'n té tha fo 'n phloc
Bhith an dòchas feuch toirt mu 'n bhòrd

Bhuam gun deanainn-sa 'n nuas
Mar nach tì ach seach chluais
Tha na ceudan dol bhuainn gach là

Bidh mi uair as an déidh
Air an eudaich nach tréig
Chum 's gum faic sinn ri chéil' an Glòir