Hù a hó, tha mi fo lionn-dubh

GF186i01 HÙ A HÓ, THA MI FO LIONN-DUBH

Beulaiche: Seògan Màiri Dhanaidh | John Shaw

[Séist]: Hù a hó, tha mi fo lionn-dubh,
'Ille dhuinn gur mór mo ghaol ort,
Hù a hó tha mi fo lionn-dubh.

Tha recruits a' falbh a-màireach,
O, gur cràidhteach bhith 'ga chluinntinn.

'Dol air bhòidse 'null a Shasainn,
Cumail cogadh ris na h-Innsibh.

Seachdain bho 'n diugh no bho 'màireach
Fàgaidh am bàta Ceann Ìle

Seòlaidh i 'mach Inbhir Ceitinn.
Càch ann an teagamh nach till sinn.

Seòlaidh i 'mach Inbhir Ceitinn.
Càch ann an teagamh nach till sinn.

Chithinn braighichean New Castle
O mo chreach, nach robh mi fhìn ann.

'Ille dhuinn ma rinn thu m' fhàgail,
Feuch gur e na 's fheàrr a nì thu.

Airgead agad-s' am Bail' Ailein,
Cheannaichinn-sa 'mach bho 'n a' Rìgh thu.

Cheannaichidh mi 'mach bho 'n an arm thu,
Cha téid còta dearg a-chaoidh ort.

Nuair a thig an còta dearg ort,
Saighdear deargaidh dha 'n a' Rìgh thu.

An còta sin 's am bonaid ìte,
O, gur math thig i dha d' aodainn.

An còta sin 's am bonaid ìte,
O, gur math thig i dha d' aodainn.

Nuair a sheallas mi ás mo dhéidh,
'S tu mo roghainn dha na chì mi.

Nuair a sheallas mi air mo làmhan,
Pàirt a dh'aithneachainn mo ghaoil oirr'.