GF348i10 DÒMHNALL EÓGHAINN: AN DEAMHAN AGUS DIA



Beulaiche: Ailean a' Bhùidseir | Allan MacEachern





AM: [Dh'fhalbh?] e is fhuair e tumbler, 's chuir e -- bha e measail air an deoch.



JS: Aig an t-sagart?



AM: Seadh, agus thuirt e ri Dòmhnall -- thuirt e, thuirt e -- fhuair e tumbler is chuir e, leathaich e i do ruma. Dh'fhalbh e sin 'is fhuair e tumbler eile is leathaich e do dh'uisg' i. Agus chuir e na dhà dhiubh air a' bhòrd. Uill, thuirt e ri Dòmhnall,



"A-nist, coimhead, a Dhòmhnaill," thuirt e, "shiud agad an Deamhan, siud agad Dia. Agus có fear dhiubh sin a tha thu dol a ghabhail?"



Uill, chaidh Dòmhnall a-null 's choimhead e. "Uill, ars e, gabhaidh mi an Deamhan an toiseach, is gabhaidh mi 'n sin Dia is draibhidh e an Deamhan asam!"



Ghabh e 'n ruma an toiseach, is ghabh e 'n sin an t-uisg' as a dheoghaidh. Ma 's e Dia a bha 'san uisge, dhraibheadh e an Deamhan ás.