GF337i02  DÒMHNALL GORM AGUS AN EAGLAIS



Beulaiche: Eòs Nìll Bhig | Joe Neil MacNeil
Tar-Sgrìobhadh: Oighrig NicFhraing | Effie Rankin



—agus bha naidheachd aca mu dheidhinn nuair a chaidh iad suas gu baile Naomh Pheadair agus a bha iad a' toirt sgrios orra shuas a' sin. Agus bha 'ad a' canail gun deachaidh an t-oifigeach no 'n commandair dh'ionnsaidh doras na h-eaglais 's chuir e teachdair' a-staigh dh'ionnsaidh an t-sagairt e tighinn a-mach. Agus dh'fhaighneachd an sagart, leis an teachdaireachd a bh' ann—dh'fhaighneachd e dhe 'n fhear seo, có mheud dhe 'n chuideachd—dha 'n phoball a gheobhadh e mach còmhla ris agus fhuair e fios nach fhaigheadh e a h-aon ach e fhéin. Agus bha 'd a' canail gun do dh'fhuirich esan a-staigh—nach do rinn e ach fuireach na sheasamh aig an altair 's chaidh—thuirt iad gun deachaidh teine chur fo gach oisein dhe 'n eaglais agus a losgadh sìos gu làr.



Translation:



DONALD GORM AND THE CHURCH



….and they had a story about the time they went up to St. Peter's to wreak havoc on them there. And they said that the officer or commander went to the church door and sent a messenger in to the priest—to order him out. And the priest inquired, because of such a message—he asked this fellow how many of those present, of the congregation, would be allowed out with him and he got the reply, none save himself. And they said he remained inside—he simply remained standing at the altar and—they said that fires were lit under each corner of the church and it was burnt to the ground.