GF333i08  AN CULLACH BREAC



Beulaiche: Eòs Nìll Bhig | Joe Neil MacNeil



Seòrsa do dh'òran a seo chuala mi, 's ann air fonn "Cabar Féidh" a tha e. Chuala mi aig caochladh fheadhainn e ach 's ann aig Mìcheal Mac Illeathan, Mìcheal Iain Chaluim a chuala mi barrachd dheth.



An cullach breac a bh' aig mo mhac 
A bhrist an fheansa stumpaichean 
Gun d' leig e 'staigh a sia neo seachd dhiubh
Ann an clais an iomaire



Ma nì mi an ceart mar tha nam bheachd 
Gun toir mi 'mach an sumonadh
Sherrif a chuir g'an ionnsaigh 
'S bidh cùirt mu na cuilichean



Tha muc na tòine caoileadh 
'S a naoi aice a dh' uirceanan
A h-uile h-aon cho caol 
'S gura h-aogas ri fhaicinn e



Chan fhaicear dad an oir an teine 
Mur bidh beagan brochain ann 
Ga chuir a-mach mar dheirce
Dha fhéin 's dha cuid iseanan



Sin mar a bh' aige, na bh' aige-san air, co-dhiù.