GF319i06  CÓ MHEUD ADHAIRC A TH' AIR A' BHOC?



Beulaiche: Lachlan Dhòmhnaill Nìll | Lauchie MacLellan



[Lauchie MacLellan:] Tha cuimhn' a'm, dar a rachainn a-nunn gu far am biodh mo sheanair 'na shuidh' agus theirinn ris, "Có meud adharc a th' air a' bhoc?"
"Gheobh sinn sin a-mach," theireadh mo sheanair. Agus bha na meuran aige cheart cho cam ris na meòirean agam-as agus dhùnadh e a dhòrn mar siud agus chuireadh e mun cuairt air mullach mo chinn e. Thogadh e aon, no thogadh e an òrdag.



[John Shaw:] Thogadh.



Theireadh e:



"[Ionarcain?] is [uatharcain?],
Cùl an dùirn, maid' an dorais,
Tomhais agus tomhais romhad,
Có meud adharc a th' air a' bhoc?"



"Tha a' dhà air."



"Tha 's briagach am boc,
Chan fhaigh e a shuipear a-nochd, 
Thig a cheann a' chur air stob,
Thig a mharagan 'sa phoit.



[Ionarcain?] is [uatharcain?], 
Cùl an dùirn, maid' an dorais,
Tomhais agus tomhais romhad,
Có meud adharc a th' air a' bhoc?"



Chuireadh mo sheanair an uair sin suas trì dhe na meòirean.



"Tha trì ann!" Theirinn-sa.



"'S fìrinneach am boc, 
Gheobh e shuipear a-nochd, 
Cha tig a cheann a' chur air stob, 
Cha tig a' mharagan 'sa phoit.



[Ionarcain?] is [uatharcain?], 
Cùl an dùirn, maid' an dorais,
Tomhais agus tomhais romhad,
Có meud adharc a th' air a' bhoc?"