Dh'Éirich Mi Moch Madainn Chéitein
A’ chiad sreath | First Line
Tar-sgriobhadh | Transcription
GF294i01 Dh'éirich mi moch maduinn Chéitein
GF294i01 DH'ÉIRICH MI MOCH MADUINN CHÉITEIN
Beulaiche: Flòraidh Bheag | Flora MacLean
[Séist:] Fail il éileadh i o ro,
Hiuraibh ó 's na hó-ró éileadh
Fail il éileadh iu il o
Dh'éirich mi moch maduinn Chéitein.
Ma 's moch an-diugh, bu mhoich an-dé e.
'S binn a choisir rinn mi éisteachd.
Smeòraichean air bhàrr nan geugan.
Uiseagan os cionn an t-sléibhe.
'S bòidhche fiamh 's a' ghrian ag éirigh.
Maduinn chiùin fo dhriùchd na speuran.
Bric air linneachan a' leumraich.
Crodh air àirighean a' geumraich.
Na laoigh bheag a' ruaig a chéile.
Cailin donn nan cuailean ciatach.
'S binne beul na 'n ceòl nan teudan.
Dol dhan bhuailidh le ceum eutrom.
Leanaidh slàinte agus aoibhneas.
Riutha-san a bhios moch ag éirigh.
Reference sources:
A' Choisir-Chiuil: The St. Columba collection of Gaelic songs (1913), p. 60
