GF293i05 ÒRAN DO 'N T-SOITHEACH CATRÌONA



Beulaiche: Flòraidh Bheag | Flora MacLean
Bàrd: Iain Mhìcheil 'ic Iain Mhòir 'ic Iain Òig | Captain John MacKinnon



[Séist:] I illein o illein i, 
I illein aillein o,					
Faill il eileadh, 's ho ro i,
Gu dé nì mi mur fhaigh mi thu?



'S gura Iain bha gu cianail
A' dealachadh ri Catrìona, 
Gun dùil a faicinn gu sìorruidh					
Mu chrìochan Sheanacadi.



Nuair a chaidh sinn air an t-snàmh, 
Rìgh, 's e 'n sàile nach robh blàth; 
Iagan Iain Dhòmhnuill cho làidir,
Shnàmhadh e mar bhradan beag.



Nuair a bha sinn anns a' ghàbhadh,
'S a chlisg e gum bitheamaid bàite,
Thuirt e, "M' eudail, Màiri Shandi,
B' àluinn a bhith 'n taice riut."



Nuair a thàinig sinn air tìr.
Bha sinn fliuch, fuar, agus sgìth; 
Bha sinn riatanach air tì,
'S gur cinnteach gu robh 'n t-acras oirnn.



Chaidh sinn suas gu taigh MhicAmhlaidh
O 'n a 's e a b' fhaisg' air làimh oirnn,
Fhuair sinn aran coirce 's càbhraich, 
'S bu mhall leinn an t-altachadh.



Co-dhiù bhios cùisean bog no cruaidh 
Feumaidh mise cumail suas,
'S fad' 's a bhios mo chusgais [stais] ruadh  
Cha toir mi suas nach fhaigh mi té.



Tha mi gun airgead 'san àm, 
'S mi gun sgillinn a gheibh dhomh dram, 
'S mar a bh' e a' bhean 's a' chlann,
Cha tugainn taing air Catherine.



Falbhaidh mi tràth 'sa Mhàirt, 
Gabhaidh mi suas an canal,
Nì mi mar rinn Seumas Màiri,
Théid mi thàmh do Halafacs.