GF293i03 SEINN HIURAIBH BHÌNN O



Beulaiche: Flòraidh Bheag | Flora MacLean



[Séist:] Seinn hiùraibh bhìnn o,
Ho éileadh o ro,
Seinn hiùraibh bhìnn o,
Éileadh o ho ro hi.



Gur e 'm bàta caol daraich,
Thog na saoir aig an doras,
Cha bhi mise 'ga moladh,
Cha do locair 'ad i.



Aonghas bha crionna,
Nuair a roghainn e am bliadhna,
Bhith treobhadh 's cliathadh,
'S bhith 'g iasgach le lìn.



'S iomadh oidhche glé shàraicht',
A thug mise 'gan àrach,
Nuair a dh'fhàsas sibh làidir,
Carson a dh'fhàgas sibh mi.



Dhèanainn airgead a' stoirm,
Air fairge 's air fearainn,
Stiùirinn long nan trì chrannaibh,
Ò cha b' aineolach mi.



Chan fhàg mi mo mhàthair,
No m' athair gu h-àraid,
Cha ghabh mi fear grànnda,
Gur is àlainn mi fhìn.



Tha na gillean cho carach,
Bidh iad daonnan a' mealladh,
'S mi gun fios a'm fon talamh,
Co-dhiù leanas mi fhìn.



Nuair a bha mi òg gòrach,
Gus an toll air mo phòca,
'S mi nach steapadh mu storan,
Taighean-òil 's a bhithinn.



Tha mi seo anns an oisean,
Ann an fhang 'san aon ursainn,
Mi a' feitheamh an t-soluis,
'S mi ag osnaich leam fhìn.



'S ann air feasgar DiCiadain,
A chaidh mise ga h-iarraidh,
Le 'm eachan is le 'm dhìollaid,
Bha mo shliosaidean sgìth.



'S gura a ràinig mi 'n t-àite,
Far robh a h-athair a' tàmh ann,
Shuidh mi an taca ri màthair,
'S thug mi làmh air mo phìob.