GF259i05 ÒRAN A' MHATHAIN



Beulaiche: Ailean Ruairidh Aonghais Dhòmhnaill Uilleim | Allan MacLeod
Bàrd: Uilleam mac Ghilleasbuig | Billy | William MacVicar





[Séist:] E ho ro mo Mhàiri, 's tu mo Mhàiri ghrinn,
E ho ro mo Mhàiri, 's tu mo Mhàiri ghrinn,
E ho ro mo Mhàiri, 's tu mo Mhàiri ghrinn,
Màiri laghach bhòidheach rugadh anns na glinn.



Cha b' e idir Màiri na ceann fada bhuam
Ach am beathach grannda tha 'n dràsd' mun cuairt; 
'S ann tha 'd riumsa 'g ràdha gun d'thàinig e bho'n tuath
'Steach o chùl Beinn Dhòmhnaill gu àit' Iain 'ic Dhòmhnaill Ruaidh.



'S ann bha bilean bàn air, mollain àrda cruinn, 
Cluasan biorach dàna air àrainn a chinn; 
Earball goirid geàirrte, ceathramh slàn man druim, 
Ceathramh deiridh as e magach man leth-chinn.



Dh'fhalbh e gu slìgeach, bha e gliogach gu cinnt, 
Null air feadh nam barran, nuas air feadh na mèinn; 
Tha e doirbh a chreidsinn a dh'aindeoin cleas is spìd, 
E bhith aig àite Peigi air bheagan gu trì.



'S ann a bha 'ad snòradh, a' snòradh gu cruaidh,
Nuair a dhùisg am 'Mòtag' bha bawl aig an uan; 
An laoigh a bh'air a' ròpa, 's e bu mhòide fuaim, 
'S ann bha 'm bear a' snòradh toir na còmhl' a-nuas.



Sin a ghearain Dòmhnall, "ma nì còmhradh feum"
Ma nì tuagh 's forc-fheòir e, 'Fòrdsaidh' e leis fhéin. 
Ma thig e nam chòir-sa, seòlaidh e gun fheum
Gheibh e naidheachd neònach, théid a leòin le 'stéig.'"



Sin a ghearain Mhàiri, "'S e mathan a th' ann, 
Beathach sligeach grànnda, nach dèan car ach call;
Cha bhi caor' air fearann, coineanach an gleann,
Nach bi ruith 's a' gearain, ''S e cho dealach thall.'"



'S ann bha 'n sealladh bòidheachd, 'n àm dol fodha na gréin,
Réiseamaid dhan òigridh, dol gu 'fòrdsadh sìos, 
Bha Seumas 's e cho seòlta, thug e leis an sgian, 
Dùil aige ri 'title', nuair a reict' am bian!



Bu mhath 'n saighdear Seumas, gunna gleusd' ri chluais, 
An dà shùil gu leum ás, ma nì creutar fuaim; 
Ma nì culach séitein, leumadh e gu luath, 
Ma nì caora 'maaa', 's e 'm 'bear' tha mu'n cuairt.