GF246i03 AN T-SABAID AIR OIDHCHE SHAMHNA



Beulaiche: Eòs Ailean mac Ruairidh Chaluim Ghobha | Joe Allan MacLean
Bard: Eòs Ailean mac Ruairidh Chaluim Ghobha | Joe Allan MacLean





[Joe Allan MacLean]: Bha dithist do ghillean òg a bha shuas againn agus air Oidhche Shamhna shabaidich 'ad. Ghabh 'ad—bha dileag aca is dh' fhàs 'ad car rough ri chéile. Agus 's e fear aca, 's e, [cuimseach?] coltach gur e innseanach a bh' ann á Eskasoni. Agus Stephen Simon an t-ainm a bh' air an innseanach. Ach 'se John D. an t-ainm dòigheil a bh' air a' ghille a bha seo, bhite coltach e ris an innseanach. Uill, nach robh na gillean laghach gu leòr, mar sin ged a thachair rudeigin is dh' fhàs 'ad crosda ri chéile. Agus bhuail 'ad co dhiubh air a' chéile is chuala mis' a siud ['s theann mi air?]. Thuirt mi ri fear aca, "Tha mi 'dol a dheanadh ceathramh do dh' òrain dhe sin." "Rud nach rachadh agad," ars' esan, fear aca "air a dheanadh," thuirt esan. "Chan eil fhios 'am," [ars' an Innseanach do dithis?]. Cha robh mise ach airson a bhith ach a' cuir na feirge orr', spórs bhith agam fhìn na leithid.



Bheil thu fhéin deiseil?



[John Shaw]: Tha



[Stad a-nist ach an cuir—?] a Dhia cho doirbh 's a [?] fonn idir air.



'S tìm dhomh teannadh air òran
A chur air dòigh dha na fearaibh
Gur e Steaphan agus [Benedict?]
Air Oidhche Shamhna a tha mi 'cantail
Sheas 'ad mu choinneamh a' chéile
Thug 'ad na gleusaidh ud seachad 
Gur a thall aig àite Dhòmhnaill 
A bha an còmhradh aig na fearaibh



Siud far na robh a' chulaidh-uabhais 
An uair a ghluais 'ad gu chéile
Bha faclan aca a bha saucy,
Cuid dhiubh an Gàidhlig, is pàirt dhiubh am Beurla
Gur robh Steaphan, 's e cho diumbach
'S bha anns an Innsean ag éigheachd
[Da liom thu gu monachainn ?]
Idir ri Stephain bheir thu fhéin às



...agus chaidh mi ceàrr ann a' siud— 's e "bhànrighinn" a bhiodh 'ad ag éigheachd do mhàthair Steaphain seo, fhios agad. Far ainm oirr'.



Gun deach fios a-mach dha 'n bhànrighinn
Air a fear an t-àite a dh' fhalbh ri [each?]
Chruinnich a' réiseimeid làidir
[Air sàilleabh/air sàile, bha?] a' long as cianail
[Drubanan/trooperan ?] a' tighinn dha 'n àite 
Los gu laighich far a' chliathaich
Gus na réitich 'ad am blàr
A bh' aig na tràillean 's a bha ìochdrach



Gu robh Dòmhnall an taobh shuas dhiubh
'S an cù ruadh le h-àl ga leantail [?]
Rinn e faclan ann am Beurla, rinn 'ad éisteachd ris is [?]
Thàinig e, leag Eachainn Sheumais 
Thug e éibh ás is e a' sgreumhail
Gun leig a' ghealach is [?] na speuran
Tha 'ad [?] thall a' bhragaidh



Rudeigin dòigheil a chuir mi fhìn ri chéile dheth.