GF223i14 SHINGEALAICH, SHINGEALAICH (AGUS RANNAN EILE)



Beulaiche: Eòs Nìll Bhig | Joe Neil MacNeil





Shingealaich, shingealaich 
Dhachaidh chun do dhìnnearach 
Theirig thusa shingealaich 
Còmhla ri càch



Theirig thusa shingealaich 
Dhachaidh chun do dhìnnearach
Far am bheil a' chulaidh eagail
Am breabadair bàn



Bha tionndadh eile ann, ge be dé seagh a bh' aige-



O bhitheadh saodach
Air a' ghille ghaolach
O bhitheadh saodach 
Air a' ghille bhàn



O bhitheadh saodach 
Air a' ghille ghaolach 
'S bho 'n tha m' uile m'aighear
Air a' ghille bhàn



'S bha rann eile ann - tha 'ad ag ràdhainn gur e Teàrlach Fìdhleir fhéin a rinn e -



Gur e Teàrlach Fìdhleir
A dh'innseadh an fhìrinne
Gur e Teàrlach Fìdhleir
A dh'innseadh mar bha



Gur e Teàrlach Fìdhleir
A dh'innseadh an fhìrinne
Gur e suirghe Mór a' ghobhainn
A dh'fhoghain dhan each Bhàin



Suirghichean, suirghichean
Bidh 'ad a-muigh daonann 
Suirghichean, suirghichean
Bidh 'ad a-muigh tràth



Suirghichean, suirghichean
Bidh 'ad a-muigh daonann 
Bidh 'ad a-muigh ris a' ghealaich 
Feuch a' faigh 'ad fàth