GF223i10 FIRE, FAIRE AN D' FHUAIR SIBH IASG (AGUS FACLAN EILE AIR 'BONAID UILLEAM')



Beulaiche: Eòs Nìll Bhig | Joe Neil MacNeil





Port neònach - bha a leithid a dh'fhear ann aig a h-uile neach a bh' ann, gur ann:



A' bhonaid a bh' aig Uilleam an-dràst', 
Dh' fhigh e leis na bioran i 
Chumadh i leth bhuiseal buntàt' 
Is barailte do thuirneapan



Bha rann eile ac' air:



Fire, faire an d' fhuair sibh iasg? 
A' faca sibh a' bhean agamsa? 
Fire, faire an d' fhuair sibh iasg? 
A' faca sibh bean Fhionnlaigh?



Agus bha rann eile ac' air:



Ho ro far am biodh am bàl, 
'S ann a bhiodh an cridhealas 
Ho ro far am biodh am bàl, 
'S ann a bhiodh a' sùgradh



Far am biodh Iain 's a chlann 
'S ann a bhiodh an cridhealas 
Far am biodh Iain 's a chlann
'S ann a bhiodh a sùgradh



Cha téid mis' a thigh a' bhàil
Bho nach bi chlann nighean ann 
Théid mi dhachaigh, 's nì mi tàmh 
Is caidlidh mi 'sa chrùban.



Agus bha rud, rann eile aig cuid eile air:



Siud e 'null, siud e 'nall 
Ceann gille Mhinisteir 
Siud e 'null, siud e 'nall 
Ceann gille Dhùghaill



Siud far na robh an ceann mór
Ceann gille Mhinisteir 
Siud far na robh an ceann mór
Ceann gille Dhùghaill



Sin agaibh na chuala mi air. Tha gu leòr a' sin fhéin, tha mi'n dùil.