GF222i05 AN CUALA SIBH MAR DH' ÉIRICH DHOMHSA?



Beulaiche: Eòs Nìll Bhig | Joe Neil MacNeil





An t-òran luaidh a chuala mi aig fear, 's ann aig MacUalraig thall aig Rubha Mheadhanach a chuala mi na ceathramhan dha 'n òran ud, Murchadh MacUaraig, mac bràthair do Ghilleasbaig MacUalraig nan sgeulachdan, Mac Sheumais MacUalraig a bheireamaid ris, Murchadh Sheumais MacUalraig. Bha e 'g innse mun luathadh aig an robh e, 's ghabh caraid dha fhéin, sheinn e an t-òran a bha seo. Ma dh'fhaoidte gu bheil deifir beag a's an fhonn mar a bha e aigesan seach mar a bhios aig càch, ach 's e:



[Séist]: Ho ìll iù i leò 
Hò hò i iù ra bho 
Ho ìll iù i leò



An cuala sibh mar dh'éirich dhomhs'?
Nuair a dh' fhalbh mi leis an dròbh 
Air long mhór nan seachd seòl
Chaill mi mo thriùir bhràithrean òg 
A' dol seachad Rubh' nan Dòrn 
Air a' chladach, marbh gun deò
Cha ghiùlain an com an còt'
Cha ghiùlain an cas a' bhròg



Agus tha mi 'smaoininn gun d' thuirt e 
'S ann mar sin a dh' éirich dhòmhs'
Sin a' chrìoch a chuala mi aigesan air