GF220i06 ÒRAN AIR TÉ NACH DO PHÀIGH AN FHEÒIL



Beulaiche: Eòs Nìll Bhig | Joe Neil MacNeil
Bàrd: Sandy 'Illeasbuig Mhóir | Alexander MacIsaac





Tha sgeul bheag tha 'seo air—mu òran a rinn Alasdair Mac Ìosag, Sandaidh 'Illeasbuig Mhóir. Tha e coltach 'san àm gu robh e ri dròbhaireachd agus bhiodh e 'ceannach crodh air feadh na dùthcha 's bhiodh e 'dol gu margadh leò agus rinn an té a bha seo, a-réir an òrain, bargan ris agus cha do thionndaidh an gnothach a-mach cho math 's a bha e an dùil. Rinn e 'n t-òran:



'S [mithich/miteach?] dhomhs' bhith tòiseachadh 
'S a' dèanamh òran Gàidhlig dhuibh, 
An té rinn orm an t-slaightearachd
Cho [foillteach? foilleachda? foilleachdach?] 's a thàinig i



Gun d' dh'fhaighnich i gu briathrach dhìom,
An robh mi 'm bliadhna dròbhaireachd 
Na a faighinn beòthach biadhta dhith
Gu robh i 'biadhadh bhoarderan



Is thuirt mi fhìn gun dèanainn siud 
Ma bha i 'g iarraidh òrdachadh
'Is fhuair mi beòthach biadhta dhith 
Bha mìos a dhìth air dhó-bhliadhnaich



Nuair dh' ith e 's a chosg i e, 
Gun d' thàinig soc mar rocais oirr'
'S ann thionndaidh i gu crosda rium, 
Gun d' rinn mi oirre rògaireachd



Cha ro siud 'nam dhaoine-sa 
No ann a h-aon bho 'n d' thàna mi'
Ged nach b' e sin 'ga daoine-se 
Bha facal faoin ri 'g ràdht'  an-diugh



'S gun d' dh' fhaighneachd i cho briathrach dhìom
Ma b' fhìor 's nach robh na b' fheàrr na i
'S gun saoileadh sibh air an dìolachd, 
Gun dèanadh i ban-cràbhaiche



Nas lugha na duine sònraicht' 
Bhiodh a' giùlan còta papanaich
Cha saoileadh sibh air a' dòrnan 
Cho rògach 's a' thàinig i



Cha d' dh' fhoighneachd mi gu daoine  dhi 
Cha robh mi 'n dùil 's nach pàigheadh i 
No idir cò mhuinntir dùthchadh i
Cha robh mi 'n dùil gum bu mheirleach i



Ach fhuair mi 'mach le foighneachd 
O mhaighdeann a bha làmh rithe, 
Gum b' e Caimbeulach bu style i,  
Ge b' e dé 'n dream bho 'n d' thàinig i