GF200i01 HÉ HO RO MO MHÀIRI LURACH



Beulaiche: Dòmhnall 'Illeasbuig Mac Aonghais ic Alasdair | Dan Allan Gillis





[Dan Allan Gillis:] [Séist:] Hé ho ro mo Mhàiri lurach
Dha 'n tug mi an gaol cho buileach;
'S e dh'fhàg m' inntinn-sa fo mhulad
Nach fhaod mi fuireach 'nad chòir.



A' robh thu 'm barail, a' Mhàiri,
Gur ann 'gad mhealladh a bha mi;
'S dòcha leam thu na mo mhàthair
Ged is i rinn m' àrach òg.



'S tu mo chadal, 's tu mo dhùsgadh,
Anns a' mhaduinn mo chruit chiùil thu;
Ort-as a chuirinn mo chùrsa
Ged a bhiodh i dlùth le ceò.



Bi mi cuimhneachadh gach àm ort
'S ged b' ann a’ dol dha 'n chrann mi;
Chuir thu seachran 'am cheann
'S chan amais mi air ceann a' ròp'.