GF195i04 SIUD MAR A DHUILICH  MI 'N T-EACH ODHAR



Beulaiche: Gilleasbuig Eòghainn Dhòmhnaill 'ic Aonghais 'ic Aonghais 'ic Iain 'ic Iain 'ic Dhòmhnaill | Archie Dan MacLellan





Seann each, agus fear aig a robh seann each agus dh'fhalbh e ga chreic. Toil aige beagan air choireigin fhaighinn do dh' airgead airson an eich agus chaidh e staigh dha na taighean seo car do thaigh osdail ann agus bha crowdaichean astaigh is 'ad ag éirigh air òl is bha esan a' creic a' stuth a bha seo cha robh airgead aigesan ach, cha robh do dh' airgead aigesan ach airson— bha e dh' fhaighinn seo air an each, 's mu dheireadh cho robh cent aige. Bha an t-each air a' chreic uile. Chan fhaigheadh e an córr do dh' airgead airson an each. Bha e 'dol dhachaidh agus gun airgead 's gun an t-each aige. 
Ach rinn e ceathramhan do dh' òran 's e a-staigh 'san taigh, 's thuirt e:



Tacan beag ro bheul a' latha 
Shiubhail mi mach air na fraighean
Chunna' mi an talamh 's an t-adhar
'S ball' an taighe 'dannsa



[Séist]: O siud mar a dhuilich mi 'n t-each odhar
Fhuair mi far na féille fodham
Nuair a shaoillinn a chuir air teadhair
'S ann a gheobhainn dram dheth



'S fear na shìneadh 's fear na chadal 
Fear ag òl an uisge bheatha
Fear còmhla ri bean an taigh'
Fear an taighe dranndan



'S nuair a ràna' mi mo mhàthair
'S labhair i rium gu bàigheil
'S thuirt i rium-sa anns a' Ghàidhlig,
"Cà' 'n do dh' fhàg thu an seann each?"



Fhuair e an t-each air ais air sàilleabh nach do dh' ith a' mhàthair e air sàilleabh 's nach do chàin i e. Bha an geall suas, no mar an canadh 'ad, mo mhàthair, dh' fhuirich gu faigheadh e an t-each air ais 's nach d' fhuair e an t-each air ais. Fhuair e an t-each air ais, fhios agad. Cha d' rinn mise job mhath dheth sin idir....