Maighstear Alasdair agus an Dithist an Chaidh air Chall 'sa Stoirm

GF194i02N MAIGHSTIR ALASDAIR AGUS AN DITHIST A CHAIDH AIR CHALL SA STOIRM

Beulaiche: Eóghann Eachuinn Dhòmhnuill Iain mac Eoghainn | Hugh MacSween
Tar-Sgrìobhadh: Oighrig NicFhraing | Effie Rankin

….turas—bha turas eile bha Laraidh a' bruidhinn ri Maighstir Alasdair agus bha e uamhasach bòsdail mu dheidhinn Antigonis 's rudan a bha dol air aghaidh ann an Antigonis—na daoine math a bh' ann 's na daoine foghainneach a bh' ann. Bha dithist de mhuinntir Antigonis a-muigh ag iasgach latha agus dithist eile mhuinntir Cheap Breatainn, agus thàinig stoirm mhór agus chaidh an dithist a bha a Ceap Breatainn—chaidh am bàthadh. Agus fhuair—shàbhail an fheadhainn eile, an fheadhainn a Antigonis, an dithist a bha a Antigonis. Ach bha 'ad ùine, ceithir no còig a lathaichean 'dol mu chuairt air feadh a' chuain mun d' fhuaireas greim orra 's an tugadh gu tìr iad. Ach bha 'ad—fhuair iad fairis air an fhuachd 's air an t-acras 's air a' h-uile rud a bh' ann. 'Is bha Maighstir Alasdair cho bòsdail mar a—cho foghainneach 's a bha muinntir Antigonis—mar a sheas iad ris an fhuachd 's ris an acras agus ris a' h-uile rud eile. O, thionndaidh Laraidh 's thuirt e ris an t-sagart, "O," ars esan, "chan eil sin a' cur iongnadh sam bith ormsa—nach robh muinntir Antigonis cho eòlach air an acras!"

Translation:
Rev. Alexander and the Two who were lost in the Storm

….time—there was another time when Larry was talking to Fr. Alexander and he was very proud of Antigonish and things that took place in Antigonish—of the good and the powerful people who lived there. Two fellows from Antigonish and another two from Cape Breton were out fishing one day and a great storm came and the two from Cape Breton—they were drowned. And the others got—the others survived—the ones from Antigonish, the two from Antigonish. But they were a long time, four or five days, going about all over the ocean before they got hold of them and took them ashore. But they—they recovered from the cold and hunger and everything. And Fr. Alexander was so proud of how—how they withstood the cold and hunger and everything else. Oh, Larry turned and said to the priest, "Oh" said he, "that doesn't surprise me in the least—weren't the Antigonishers so used to hunger."