GF051i04 DH’FHALBH MO RÙN ‘S DH’FHÀG E ‘N CALA



Beulaiche: Mairead bean Ruairidh Iagain Ruairidh | Margaret MacLean
Tar-Sgrìobhadh: Iain Seathach | John Shaw



Dh’fhalbh mo rùn ‘s dh’fhàg e ‘n cala 
Dh’fhalbh mo rùn o hi iù 
Thog e shiùil ris na crannaibh 
Dh’fhalbh mo rùn ‘s dh’fhàg e ‘n cala 
1. Dh’fhalbh mo leannan bhuam am bliadhna 
‘S e ‘ga riasladh aig na Gallaibh 
2. Dh’fhalbh mo leannan bhuam a dh’Éirinn  
‘S as a dhéidh cha bhi mi fallain 
3. Dh’fhalbh mo leannan bhuam a dh’Ìle 
Air long rìomhach nan trì chrannaibh 
4. Ach ma dh’fhalbh thu air a’bhàta 
Dia ‘gad shàbhaladh gu cala 
5. ‘S thig a’bhonaid ghorm ri fàbhar 
Ait fear àrd nan sùilean meala 
6. ‘S chan eil taobh dha’n toir a’ghaoth e 
Ma dh’fhaodas e gheobh e leannan 
7. Dh’fhalbh mi ‘na mo nidheanag ghòraich 
‘S ghabh mi seòladair mar leannan 
8. ‘S a mhnathan na tugaibh beum dhomh 
Ged a thug mi spéis dha’n mharaich’ 
9. ‘S gìomanach a’ghunna bhòidhich 
Leagadh tu na h-eòin ‘s air mheangan



10. Gìomanach a’ghunna chaoil thu 
Nuair chaogadh tu an t-sùil ‘s a’mhala



11. Chuala mi gun d’rinn thu réiteach
 Mur e ‘bhreug a rinn iad aithris 
12. Chuala mi gun d’rinn thu pòsadh
 ‘S cha d’ dheònaich thi mi gu d’ bhainis