GF037i05 CUMHA



Beulaiche: Niall Alaidh Alasdair | Neil Allan MacLean
Bàrd: Aonghas Bàn mac Phàrlain | Angus MacFarlane





Nuair a ràinig mi do chlìreadh,  
Far an robh thu, Nill a' tàbhachd,
Fhuair mi'n fhàrdraich air a dùnadh, 
Shil mo shùilean 's cha bu nàir dhomh.



Bho 'n a dh'fhàg thu Gleann nam Pìobairean, 
'S e chuir mìcheist air mo nàdur; 
Gur ann ort fhéin 's air do chuid cloinneadh
Chaidh a sloinneadh, tha iad ag ràidhinn.



Hó gur misd' leam é gur misd' leam, 
Hó gur misde leam mar tha a' chùis;
'S misde leam gun d' rinn thu gluasad
Null gu tìr a' ghuail a thàmhachd.



'S nam biodh fios ac' a's an tìr sin,
Air cho grinn 's a tha do nàdur;
Thogte pàileis a bhiodh daor ann, 
Is bheirte dhut-sa saor bho mhàl e.



Bho 'n a dh' fhàg thu Gleann nam Pìobairean, 
'S e chuir mìcheist air mo nàdur;
Gur ann ort fhéin 's air do chuid chloinneadh
Chaidh a sloinneadh, tha iad ag ràidhinn.



Sheinneadh Iain grinn a' phìob dhut,
Sheinneadh Sìn' i, agus Teàrlach, 
Eachann, Flòraidh agus Seumas, 
Mary Jane is May is Charlotte.



Hó gur misd' leam é gur misd' leam, 
Hó gur misde leam mar tha a' chùis;
'S misde leam gun d' rinn thu gluasad,
Null gu tìr a' ghuail a thàmhachd.