GF033i02i1N ÒRAN A' CHÙIL  (LE RO-RÀDH)



Beulaiche: Jonaidh Eàirdsidh Dhòmhnaill Bhig | John Joe MacKenzie
Bàrd: Eóghann mac Eàirdsidh Sheumais | Hugh Francis MacKenzie



Rinn Eóghann MacChoinnich, nach maireann, òran do 'n chùl nuair a bha e 'g obair – bha e 'g obair na stàilinn am Baile Shuidni. Chan eil móran dheth agamsa air chuimhne ach trì no ceithir do cheathramhan a' siud 's a' seo. Fear aca 's e:



'S e àite cosnaidh mi-nàdar
An obair na stàilinn
Gu bheil an teas ann cho gàbhaidh
'S gum brist e slàint' a' fear treun.



B' e mo mhiann is mo dhùrachd
Bhith air fearainn 's an dùthaich
On a dh'fhàg mis' an cùl ud
Cha d' dh'éirich sunnd air mo nàdar.



'S gur e mis' tha fo éislein
'S a' mhadainn 's mi 'g éirigh
Fuaim na dùdach 'gam éigheachd
Cha d' thug i spéis ann 'am nàdar.



Na fearainn bha brèagha
Nuair bha daoine ri gnìomh ann
An-diugh chan eil rian orr'
A' choill' a' lìonadh nam pàircean.